لڑکیوں کے اسکول بند کروانے کیلیے سیکڑوں طالبات کو زہر دینے کا انکشاف

ایران میں زہر خوانی کی شکار طالبات کو نگہداشت کے وارڈ میں رکھا گیا؛ فوٹو: ٹوئٹر

---

ایران کے شہر قم میں لڑکیوں کے اسکولوں کو بند کرانے کے لیے باقاعدہ مہم کے ذریعے سیکڑوں طالبات کو جان بوجھ کر زہر دیا گیا جن میں سے کئی ایک کی حالت بگڑ گئی۔

عالمی خبر رساں ادارے کے مطابق ایران کی ہیلتھ اتھارٹی نے تصدیق کی ہے کہ شہر ''قم'' میں حالیہ مہینوں میں سیکڑوں طالبات کو زہر دیا گیا تاکہ لڑکیوں کے اسکولوں کو بدنام کیا جا سکے اور اس طرح انھیں بند کردیا جائے۔

ہیلتھ اتھارٹی کی جانب سے جاری بیان میں کہا گیا ہے کہ یہ زہر زیادہ تر دس سالہ بچیوں کو دیا گیا جن میں کئی ایک کو حالت بگڑنے پر اسپتال میں داخل بھی کیا گیا اور اس طرح یہ معاملہ منظر عام پر آیا۔

Heartbreaking;

For about three months, schoolgirls in different cities of Iran, especially in the city of Qom, have been facing symptoms of poisoning after inhaling a smell similar to the smell of fruit. Many of them were taken to the hospital.

However, the authorities of… pic.twitter.com/yJvCLvws8d

— Masih Alinejad 🏳️ (@AlinejadMasih) February 24, 2023

بیان میں کہا گیا ہے کہ طالبات کو زہر دینے کے پیچھے وہ شر پسند عناصر ہیں جو لڑکیوں کی تعلیم کے خلاف ہیں وہ ایسی حرکتوں سے والدین کو خوف زدہ اور اسکولوں سے دور کرنا چاہتے ہیں۔

ایران کی وزارت تعلیم نے اس معاملے پر ایک انکوائری کمیٹی تشکیل دیدی ہے تاہم اب تک کوئی گرفتاری عمل میں نہیں لائی گئی اور کسی بھی طالبہ کے زہر خوانی سے ہلاکت کی بھی اطلاع نہیں۔

خیال رہے کہ تفتیش کے دوران ثابت ہوا ہے کہ یہ زہر کیمیائی مرکبات کا نتیجہ تھا اور یہ وہ کیمیائی مرکبات نہیں جو فوج استعمال کرتی ہے۔