فخر زمان کے ایک میچ میں 2 ریکارڈز بابراعظم بھی پیچھے رہ گئے

بائیں ہاتھ کے بلےباز نے ون ڈے کیرئیر میں 3 ہزار رنز کا ہندسہ عبور کرلیا (فوٹو: ایکسپریس ویب)

---

پاکستان اور نیوزی لیںڈ کے درمیان سیریز کے دوسرے ون ڈے میچ میں قومی ٹیم کے اوپنر فخر زمان نے دو ریکارڈ بناڈالے۔

راولپنڈی میں کھیلے گئے میچ میں پاکستانی اوپنر فخر زمان نے ون ڈے کیرئیر میں اپنے 3 ہزار رنز کا ہندسہ عبور کیا، انہوں نے کپتان بابراعظم کو پیچھے چھوڑتے ہوئے یہ اعزاز محض 67 اننگز میں حاصل کیا اور دنیا کے دوسرے مشترکہ تیز ترین بیٹر بن گئے۔

اس سے قبل ویسٹ انڈیز کے شائے ہوپ نے بھی 67 اننگز میں تین ہزار رنز مکمل کیے تھے۔

مزید پڑھیں: فخر زمان کی 180 رنز کی شاندار اننگز، پاکستان نے نیوزی لینڈ کو شکست دے دی

جنوبی افریقہ کے ہاشم آملہ نے محض 57 اننگز میں 3 ہزار ون ڈے رنز مکمل کیے تھے اور دنیا کے پہلے بلےباز بننے کا اعزاز حاصل کیا تھا۔ کپتان بابراعظم نے 68، ویسٹ انڈیز کے ویو رچرڈز نے 69 اننگز میں یہ کارنامہ انجام دیا۔

مزید پڑھیں: بابراعظم نے سب سے پہلے ٹیم کا نعرہ بلند کردیا

دوسری جانب کیویز کے کیخلاف مسلسل دوسرے ون ڈے میں سینچری بناکر 3 ایک روزہ میچز میں ٹرپل فیگر حاصل کرنے والے چوتھے پاکستانی بیٹر بھی بنے۔

🚨 RECORD ALERT 🚨@FakharZamanLive completes 3️⃣,0️⃣0️⃣0️⃣ runs in ODIs 🌟#PAKvNZ | #CricketMubarak pic.twitter.com/jLHA3F0Mkf

— Pakistan Cricket (@TheRealPCB) April 29, 2023

فخر زمان نے رواں برس جنوری میں کراچی میں نیوزی لینڈ ہی کیخلاف ہونے والی تین ون ڈے میچز کی سیریز کے آخری میچ میں بھی سنچری کی تھی۔

𝐓𝐡𝐫𝐞𝐞 𝐜𝐨𝐧𝐬𝐞𝐜𝐮𝐭𝐢𝐯𝐞 𝐎𝐃𝐈 𝐡𝐮𝐧𝐝𝐫𝐞𝐝𝐬 👏@FakharZamanLive becomes only the fourth Pakistan batter to accomplish this feat 💫#PAKvNZ | #CricketMubarak pic.twitter.com/VQjS8BpIUj

— Pakistan Cricket (@TheRealPCB) April 29, 2023