نیب کا نئے آرڈیننس کے تحت  عثمان بزدار کو گرفتار کرنے کا فیصلہ

ویب ڈیسک  پير 10 جولائی 2023
نیب آمدن سے زائد اثاثے کیس میں 14 بار عثمان بزدار کو طلب کرچکی ہے:فوٹو:فائل

نیب آمدن سے زائد اثاثے کیس میں 14 بار عثمان بزدار کو طلب کرچکی ہے:فوٹو:فائل

 لاہور: آمدن سے زائد اثاثوں کے کیس میں طلب کرنے کے باوجود  پیش نہ ہونے پر نیب لاہور نے سابق وزیراعلیٰ  پنجاب کو گرفتار کرنے کا فیصلہ کرلیا۔

ذرائع کے مطابق نیب لاہور نے سابق وزیراعلیٰ پنجاب عثمان بزدار کی گرفتاری کے لیے چیئرمین نیب سے وارنٹ گرفتاری جاری کرنے کی درخواست کردی۔

نیب ذرائع کے مطابق نئے آرڈیننس کے تحت عثمان بزدار کو دوران انکوائری بھی گرفتار کیا جا سکتا ہے۔ عثمان بزدار کے خلاف خاندان سمیت 9 ارب روپے سے زائد کے اثاثے بنانے، تقرر و تبادلے، گندم برآمد اور  ٹھیکوں میں بے ضابطگی کا کیس چل رہا ہے۔

عثمان بزدار طلبی کے باوجود 14ویں مرتبہ بھی نیب لاہور پیش نہیں ہوئے۔عثمان بزدار کے وکیل نے نیب کو بتایا کہ عثمان بزدار نیب لاہور میں پیش نہیں ہوسکتے۔ نیب نے سابق وزیراعلیٰ پنجاب کے وکیل سے جواب وصول کرنے سے انکار کردیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔