خانہ کعبہ کو زمزم سے غسل دیدیا گیا بیت اللہ خوشبوؤں سے معطر

خانہ کعبہ کو غسل دینے کی تقریب میں آئمہ کرام سمیت دیگر افراد نے شرکت کی:فوٹو:اسکرین گریب

---

مکہ مکرمہ میں غسل کعبہ کی سالانہ تقریب کے دوران خانہ کعبہ کا دروازہ کھول دیا گیا۔

حرمین شریفین کے امور سے متعلق ویب سائٹ کے مطابق غسل کعبہ کی تقریب میں نائب گورنر مکہ مکرمہ شہزادہ بدر بن سلطان نے خادم الحرمین الشریفین شاہ سلمان بن عبدالعزیز کی نیابت کرتے ہوئے خانہ کعبہ کے اندرونی حصے کو غسل دیا۔

مشاهد مباشرة من الحرم المكي قبل لحظات من بدء غسيل الكعبة المشرفة. #قناة_القرآن_الكريم pic.twitter.com/k76Siblw5M

— قناة القرآن الكريم (@qurantvsa) August 2, 2023

بیت اللہ کی اندرونی دیواروں کو اور فرش کو غسل دینے کے لیے آب زم زم اور عرق گلاب استعمال کیا گیا۔ غسل کعبہ کے بعد خانہ کعبہ کو عود، عرق گلاب اور بخوز کی خوشبوؤں سے معطر کیا گیا۔

غسل کعبہ کی سالانہ تقریب کے آغاز میں خانہ کعبہ کے کلید بردار الشیخ ڈاکٹر صالح آل زین نے بیت اللہ کا دروازہ کھولا۔ خانہ کعبہ کی غسل کی تقریب میں آئمہ کرام اور حرمین شریفین کے انتظامی امور سے متعلق حکام بھی شریک ہوئے۔

#خانہ_کعبہ کے غسل کی روح پرور تقریب pic.twitter.com/8JTOMMlsCf

— ترکیہ اردو (@TurkiyeUrdu_) August 2, 2023