شردھا کپور لیجنڈری لتا منگیشکر کی بائیوگرافیکل فلم کرنے کی خواہشمند
شردھا فلم انڈسٹری کے نامور اداکار شکتی کپور کی صاحبزدای ہیں اور انہوں نے 2010 میں بالی وڈ کیریئر کا آغاز کیا
بالی وڈ کی نامور اداکارہ شردھا کپور نے لیجنڈری گلوکارہ لتا منگیشکر کی بائیوگرافیکل فلم میں کام کرنے کی اپنی خواہش کا اظہار کردیا۔
اداکارہ نے مداحوں کے ساتھ سوشل میڈیا پر سوال جواب کا سیشن کیا جس میں ایک مداح نے ان سے پوچھا کہ وہ کس تاریخی کردار پر فلم کرنا چاہتی ہیں۔
شردھا کپور نے بتایا کہ وہ انڈیا کی لیجنڈری گلوکارہ لتا جی کی بائیو گرافیکل فلم میں کام کرنا چاہتی ہیں اور اگر انہیں اس کا موقع ملا تو یہ ان کیلئے بہت بڑا اعزاز ہوگا۔
اداکارہ اس سے قبل 2017 میں حسینہ پارکر کی بائیوگرافیکل فلم میں کام کرچکی ہیں اور سوانحی پروجیکٹ میں کام کرنے کا تجربہ رکھتی ہیں۔
شردھا انڈین فلم انڈسٹری کے نامور اداکار شکتی کپور کی صاحبزدای ہیں اور انہوں نے 2010 میں اپنے بالی وڈ کیریئر کا آغاز کیا تھا۔
اداکارہ رواں برس 'تو جھوٹی میں مکار' کی رومینٹک کامیڈی میں نظر آئی تھیں جبکہ وہ اپنی نئی فلم 'اسٹری' کی ریلیز کا انتظار کررہی ہیں۔