چین میں کوئلے کی کان میں دھماکا؛11 افراد ہلاک

ویب ڈیسک  منگل 22 اگست 2023
چین میں کان کن میں حادثات معمول ہیں، فوٹو: فائل

چین میں کان کن میں حادثات معمول ہیں، فوٹو: فائل

بیجنگ: چین کے صوبے شانشی میں کوئلے کی کان خوفناک دھماکے کے بعد بیٹھ گئی جس کے ملبے تلے دب کر 11 افراد ہلاک ہو گئے۔

عالمی خبر رساں ادارے کے مطابق چین کے شمالی صوبے شانشی میں کی کان میں اس وقت دھماکا ہوا جب کان میں زیر زمین 90 سے زائد کان کن کام کر رہے تھے۔

دھماکے کی وجہ کا تاحال تعین نہیں کیا جا سکا۔ امدای کاموں کے دوران ملبے سے 7 لاشیں نکالی گئیں جب کہ 2 نے اسپتال میں دوران علاج دم توڑ دیا۔

10 سے زائد کان کنوں کو طبی امداد کے لیے اسپتال میں روک لیا گیا جن کی حالت خطرے سے باہر بتائی جا رہی ہے جب کہ بقیہ زخمیوں کو مرہم پٹی کے بعد جانے دیا گیا۔

حکام کا کہنا ہے کہ کان کی تعمیر میں احتیاطی تدابیر اختیار نہیں کی گئیں جب کہ کسی حادثے کی صورت میں کان کنوں کی حفاظت کے لیے مؤثر انتظامات نہیں کیے گئے تھے۔

چین میں کان کن اور فیکٹریوں میں ہونے والے حادثات عام ہیں جن میں سالانہ 2 ہزار سے زائد ہلاک ہوجاتے ہیں۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔