امریکی پارک کی جھیل میں مگرمچھ کی اچانک آمد نے لوگوں کی چیخیں نکال دیں
سوشل میڈیا پر سامنے آنے والی ویڈیو کے مطابق مگرمچھ کا ہدف جھیل میں تیراکی کرنے والے بچے تھے
امریکا کے ایک پارک کی جھیل میں مگرمچھ کی اچانک آمد نے لوگوں کی چیخیں نکال دیں۔
امریکی ریاست ٹیکساس کے شہر ہیوسٹن میں واقع ہنٹس ول اسٹیٹ پارک کی جھیل میں مگرمچھ کی اچانک آمد نے لوگوں میں کھلبلی مچا دی۔
سوشل میڈیا پر وائرل ویڈیو میں دیکھا جاسکتا ہے کہ مگرمچھ کا ہدف جھیل میں تیراکی کرنے والے بچے تھے۔ موقع پر موجود لوگوں نے مگر مچھ کے سامنے آنے پر جھیل میں نہاتے بچوں کے باہر نکلنے میں مدد دی۔
خوش قسمتی سے مگرمچھ نے کسی کو نقصان نہیں پہنچایا جبکہ مقامی حکام نے وہاں پہنچ کر لوگوں کو تیراکی سے روک دیا۔
واضح رہے کہ انتظامیہ نے پارک کی اس جھیل میں مگرمچھوں کے حوالے سے جگہ جگہ انتباہ کے لیے نوٹس بورڈ آویزاں کر رکھے ہیں۔