کرکٹ ورلڈکپ کا ترانہ ریلیز ہوتے ہی شدید تنقید کی زد میں

ویب ڈیسک  بدھ 20 ستمبر 2023
شائقین نے ورلڈ کپ کے آفیشل ترانے کومایوس کن قرار دیا:فوٹو:اسکرین گریب

شائقین نے ورلڈ کپ کے آفیشل ترانے کومایوس کن قرار دیا:فوٹو:اسکرین گریب

 دبئی: انٹرنیشنل کرکٹ کونسل ( آئی سی سی ) نے بھارت میں ہونے والے کرکٹ ورلڈ کپ 2023  کا آفیشل ترانہ ریلیز کردیا۔

آئی سی سی کے سوشل میڈیا اکاؤنٹس پر ریلیز ہونے والے خصوصی ترانے ’ دل جشن بولے‘ میں بالی ووڈ کے سپر اسٹار رنویر سنگھ نے پرفارم کیا ہے جبکہ میوزک کمپوزر پریتم ہیں۔

مزید پڑھیں: ورلڈکپ؛ پاکستان اور نیوزی لینڈ کا وارم اَپ میچ دوبارہ شیڈول کرنے کا مطالبہ

 

کرکٹ ورلڈ کپ 2023 کے ترانے میں ایونٹ میں شامل ٹیموں کے جھنڈوں کو آویزاں کیا گیا ہے۔ ترانے کی ویڈیو میں اینیمیشن کا استعمال کیا گیا ہے۔  روایتی حریفوں پاکستان اور بھارت کی ٹیموں کے کپتانوں روہت شرما اور بابر اعظم کی تصاویر بھی ترانے کا حصہ ہیں۔

شائقین کرکٹ اور سوشل میڈیا صارفین نے ورلڈ کپ کے آفیشل ترانے کو مایوس کن قرار دیتے ہوئے تنقید کا نشانہ بنایا ہے۔ صارفین کا کہنا ہے کہ صرف بالی ووڈ اسٹار کو ڈال دینا کافی نہیں ترانے کو ایونٹ کے شایان شان ہونا چاہیے تھا لیکن اس کا معیار انتہائی پست ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔