’’میرا بیٹا خوشی خوشی آپکے خلاف میڈن اوور کھیلے گا‘‘ بابر کے والد کا آصف کو جواب

بابراعظم کے والد نے سابق کرکٹر کے بیان پر ردعمل دیدیا (فوٹو: ایکسپریس ویب)

---

قومی کرکٹ ٹیم کے کپتان بابراعظم کے والد اعظم صدیقی نے سابق کرکٹر محمد آصف کے بیان پر ردعمل دیدیا۔

سابق کرکٹر اور 2010 میں اسپاٹ فکسنگ میں ملوث رہے محمد آصف نے اپنے بیان میں کہا تھا کہ وہ اپنے کیریئر کے اس مرحلے پر بھی ٹی20 کرکٹ میں بابراعظم کو میڈن اوور کرواسکتے ہیں، اسوقت بھی انکے لیے میری گیندیں کھیلنا آسان نہیں ہوگا۔

مزید پڑھیں: کیا بابراعظم اب کھلاڑیوں کے مستقبل کا فیصلہ کریں گے؟

آصف نے دعویٰ کیا تھا کہ انہوں نے ڈومیسک سطح پر (زیڈ ٹی بی ایل) کے ٹرائلز کے دوران بابراعظم کو منتخب کیا تھا، آپ انکے والد سے پوچھ سکتے ہیں۔ وہ بہترین بیٹرز میں سے ایک ہیں لیکن انہیں پاور پلے میں ڈاٹ بالز کو کھیلنا کم کرنا ہوگا کیونکہ اس سے محمد رضوان پر پریشر پڑتا ہے۔

مزید پڑھیں: رضوان، بابراعظم کی اوپننگ جوڑی پاکستان کیلئے نقصان دہ ہونے لگی

بیٹے کے بارے میں بڑے دعوؤں پر بابراعظم کے والد اعظم صدیقی نے جواب دیتے ہوئے ایک انسٹااسٹوری شیئر کی، جس میں انہوں لکھا کہ محترم جناب محمد آصف، ہر فرد اپنے اعمال کا ذمہ دار ہے، اگر ایسا وقت آیا تو بابر خوشی خوشی آپ کے خلاف میڈن اوور کھیلے گا تاکہ آپ کا احترام کیا جا سکے۔

واضح رہے کہ ماضی میں بھی بابراعظم پر سلو بیٹنگ کرنے پر سوالات اٹھتے رہے ہیں۔

Babar Azam father Azam Siddiqui's heartfelt note and response to Mohammad Asif's statement ♥️♥️

- Babar Azam scored 84 runs and hit 11 fours against Mohammad Asif's team when he was playing U16 cricket
- Babar was disappointed as Asif said something to him after getting him out… pic.twitter.com/QIEguaQju8

— Farid Khan (@_FaridKhan) September 24, 2023