پُر سکون نیند میں مدد دینے والی آوازیں
ماہرین کے مطابق مختلف آوازیں ہمیں بہتر نیند میں مدد دے سکتی ہیں
ایک ماہرِ نیند نے بتایا ہے کہ سمندر کی لہروں اور آگ کے چٹخنے سمیت مختلف آوازیں ہمیں سونے میں مدد دے سکتی ہیں۔
ماہر نیند ہینا شور کے مطابق سمندر کی لہروں، آگ کے چٹخنے اور اور پنکھا چلنے کی آوازیں ان 10 آوازوں میں سے ہیں جو لوگوں کو سونے میں مدد دیتی ہیں۔ جبکہ ٹوسٹ کٹنے کی یا کیتلی کے ابلنے کی آواز نیند سے جگانے میں مدد دیتی ہے۔
2000 افراد پر کیے جانے والے پول میں معلوم ہوا کہ نصف افراد کو سوتے جاتے وقت یا نیند سے اٹھتے وقت وائٹ نوائز (متعدد فریکوئنسیز کی یکساں شدت والی آواز) سے لطف اندوز ہوتے ہیں۔
پریمیئر اِن کی جانب سے کی جانے والی اس تحقیق میں دیکھا گیا کہ 26 فی صد افراد وائٹ نوائز ہر رات سوتے وقت سنتے تھے جبکہ 40 فی صد نے بارش کی آواز، 34 فی صد موسیقی اور 24 فی صد پنکھے کی آواز سنتے تھے۔
اس کے علاوہ ہوا کی آواز (21 فی صد افراد) اور آڈیو بک (16 فی صد) بھی اس فہرست میں شامل ہیں۔
ہینا شور کا کہنا تھا کہ سونے سے پہلے کچھ سکون دہ چیزیں دیکھنا یا سننا ہمارے نیند کے عمل کا حصہ ہوسکتا ہے۔
ان کا کہنا تھا کہ جب ہم سو رہے ہوتے ہیں مختلف آوازیں ہمارے لاشعور میں مختلف ردِ عمل پیدا کرتے ہیں اس لیے جو چیز کسی کے لیے راحت کا سبب ہوتی ہے کسی دوسرے کے لیے راحت کا سبب نہیں ہوسکتی۔