104 سالہ خاتون اسکائی ڈائیور بن گئیں

ویب ڈیسک  ہفتہ 7 اکتوبر 2023
ڈورتھی ہوفنز اب ہاٹ ائیر بیلون میں سوار ہونے کا ارادہ رکھتی ہیں:فوٹو:سوشل میڈیا

ڈورتھی ہوفنز اب ہاٹ ائیر بیلون میں سوار ہونے کا ارادہ رکھتی ہیں:فوٹو:سوشل میڈیا

شکاگو: امریکا میں 104 سال کی ضعیف خاتون نے اسکائی ڈائیونگ کر کے سب کو حیران کردیا۔

غیرملکی میڈیا کے مطابق واکر کے سہارے سے چلنے والی 104 سالہ ڈورتھی ہوفنز نے شمالی الینوئے میں انسٹرکٹر کی مدد سے کامیابی سے پیرا شوٹ کے ذریعے چھلانگ لگائی۔

امریکی ریاست شکاگو سے تقریبا 85 میل (140 کلومیٹر) جنوب مغرب میں واقع اوٹاوا کے اسکائی ڈائیو شکاگو میں زمین پر اترنے کے بعد استقبال کے لیے آئے ہوئے ہجوم سے بات کرتے ہوئے  ڈوروتھی ہوفنر نے کہا کہ نمبر صرف ایک عدد ہے۔

ہوفنر نے پہلی بار 100 سال کی عمر میں اسکائی ڈائیونگ کی تھی۔ انہوں نے اپنے واکر کو جہاز سے کچھ ہی فاصلے پر چھوڑا تھا۔ ہوفنز اب ہاٹ ائیر بیلون میں سوار ہونے کا ارادہ رکھتی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔