40 سالہ ثروت گیلانی کے ہاں ننھے مہمان کی آمد متوقع

ویب ڈیسک  پير 9 اکتوبر 2023
ثروت گیلانی نے مداحوں کو خوشخبری سُنادی: فوٹو ویب ڈیسک

ثروت گیلانی نے مداحوں کو خوشخبری سُنادی: فوٹو ویب ڈیسک

  کراچی: معروف اداکارہ ثروت گیلانی کے ہاں تیسرے بچے کی آمد متوقع ہے جس کا اعلان اُنہوں نے سوشل میڈیا کے ذریعے کیا ہے۔

40 سالہ ثروت گیلانی نے اپنے انسٹاگرام ہینڈل پر اپنی فلم ’جوائے لینڈ‘ کی ٹیم کے ساتھ تصاویر پوسٹ کیں جن میں ثروت گیلانی کے ساتھ اداکار و ہدایت کار سرمد کھوسٹ، فلمساز صائم صادق،علینہ خان سمیت دیگر اداکار موجود ہیں۔

ثروت گیلانی نے اپنے مداحوں کو خوشخبری سُناتے ہوئے کہا کہ ‘ہمارے ننھے مہمان کی آمد کا اعلان کرنے کے لیے اس سے بہترین تصویر کوئی نہیں ہوسکتی’۔

اداکارہ نے کہا کہ ‘ہم سب آج خوشی منا رہے ہیں اور مستقبل کی خوشی کے منتظر ہیں’۔

ثروت گیلانی کی پوسٹ پر شوبز ستاروں اور مداحوں کی جانب سے اداکارہ کے لیے نیک خواہشات کا اظہار کرنے کا سلسلہ جاری ہے۔

s1 s2 s3

واضح رہے کہ ثروت گیلانی نے 2014 میں اداکار اور معروف پلاسٹک سرجن فہد مرزا سے شادی کی تھی، اس جوڑے کے دو بیٹے ہیں۔

ثروت گیلانی کے بڑے بیٹے روحان مرزا کی پیدائش 2015 میں جبکہ چھوٹا بیٹا عریز محمد مرزا 2017 میں پیدا ہوا تھا، اس جوڑے کے ہاں اب تیسرے بچے کی آمد متوقع ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔