عاصم اظہر کے گانے ’جو تو نہ ملا‘ نے نیا اعزاز اپنے نام کرلیا

ویب ڈیسک  منگل 24 اکتوبر 2023
فوٹو : فائل

فوٹو : فائل

 لاہور: پاکستانی گلوکار عاصم اظہر کے مشہور گانے ’جو تو نہ ملا‘ نے نیا سنگ میل عبور کرتے ہوئے معروف میوزک سروس اسپاٹیفائے پر 100 ملین سے زائد اسٹریمز حاصل کرلیں۔ 

انسٹاگرام پر اپنے گانے کے نئے اعزاز پر گلوکار نے جہاں مداحوں کا شکریہ ادا کیا وہیں انہوں گانے کا اسپیشل ورژن شیئر کرکے مداحوں کو سرپرائز بھی دیا ہے۔

عاصم اظہر نے گانے کی خوبصورت شاعری کیلئے کنال ورما کو کریڈٹ دیتے ہوئے ان کو خراج تحسین بھی پیش کیا۔


View this post on Instagram

A post shared by Asim Azhar (@asimazhar)

’جو تو نہ ملا‘ 2018 کو ریلیز کیا گیا گیا تھا اور اس نے دو برس میں ہی یوٹیوب پر سو ملین ویوز سمیٹ لئے تھے اور اس سے گلوکار کو پوری دنیا میں شہرت ملی۔

واضح رہے کہ یہ وہی گانا ہے جس کی بنا پر گلوکار پر سرقہ کا الزام لگایا گیا تھا لیکن پھر عاصم اظہر نے وضاحت دی کہ موسیقی کے حقوق قانونی طریقے سے حاصل کیے گئے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔