کھانا ریسٹورینٹ میں کھائیں؛ فنڈ فلسطینیوں کو جائے گا

ویب ڈیسک  جمعـء 3 نومبر 2023
فنڈز رائزنگ فار فلسطین لندن میں 12 نومبر کو ہوگا، فوٹو: فائل

فنڈز رائزنگ فار فلسطین لندن میں 12 نومبر کو ہوگا، فوٹو: فائل

 لندن: برطانیہ میں فلسطینیوں کے لیے عطیات جمع کرنے کے لیے فنڈ ریزنگ گالا کا انعقاد کیا جائے گا جس میں کھانا کھانے والے جو بل ادا کریں گے اس کا بڑا حصہ غزہ متاثرین کو دیا جائے گا۔  

عالمی خبر رساں ادارے کے مطابق لندن میں اس فنڈ ریزنگ گالا “کم ڈائن فار فلسطین 2023″ کا اہتمام برطانوی نژاد پاکستانی انسانی حقوق کی کارکن عارفہ نسیم نے کیا تھا جو ایک چیریٹی ادارے سے منسلک ہے۔

یہ ایونٹ 12 نومبر کو ہوگا جس میں شرکت کے لیے ٹکٹ خریدنا ہوں گے اور اس ٹکٹ سے حاصل رقوم کو بھی فلسطینیوں کو دی جائے گی۔

Palestine

یہ چیریٹی ادارہ جس کے دفاتر لندن، لبنان، مغربی کنارے اور غزہ سٹی میں ہیں۔ یہ ادارہ خود کو فلسطینیوں کی صحت اور بہبود کے لیے کام کرنے کے طور پر بیان کرتا ہے۔

عارفہ نسیم نے بتایا کہ اس فنڈز ریز گالا سے جمع ہونے والے فنڈز سے غزہ اور فلسطین کے ضرورت مندوں کو طبی سامان، گدے، کمبل اور حفظان صحت کی کٹس فراہم کریں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔