اسلام آباد یونائیٹڈ نے 9ویں ایڈیشن کے آغاز سے قبل ہیڈ کوچ تبدیل کردیا

ویب ڈیسک  جمعرات 9 نومبر 2023
سابق کرکٹر اظہر محمود کی جگہ نئے ہیڈکوچ کی خدمات حاصل کرلیں (فوٹو: ایکسپریس ویب)

سابق کرکٹر اظہر محمود کی جگہ نئے ہیڈکوچ کی خدمات حاصل کرلیں (فوٹو: ایکسپریس ویب)

پاکستان سپر لیگ (پی ایس ایل) کی معروف فرنچائز اسلام آباد یونائیٹڈ نے 9ویں ایڈیشن کے آغاز سے قبل ہیڈکوچ تبدیل کردیا۔

سماجی رابطے کی سائٹ ٹوئٹر (ایکس) پر ایک پیغام میں مداحوں کو بتایا کہ نیوزی لینڈ کے سابق کوچ مائیک ہیسن کو ہیڈ کوچ مقرر کردیا، فرنچائز نئے سربراہ کو خوش آمدید کہتی ہے۔

فرنچائز نے مائیک ہیسن کو قومی ٹیم کے سابق آل راؤنڈر اظہر محمود کی جگہ ہیڈکوچ مقرر کیا ہے۔

مزید پڑھیں: پی ایس ایل کی دبئی منتقلی کیلئے بحث میں شدت آگئی

واضح رہے کہ مائیک ہیسن انڈین پریمئیر لیگ (آئی پی ایل) میں رائل چیلنجر بنگلور کی کوچنگ کر چکے ہیں جبکہ نیوزی لینڈ مینز ٹیم کے سابق کوچ بھی رہ چکے ہیں۔

ہیسن کی کوچنگ میں کیوی ٹیم نے 2015 کرکٹ ورلڈکپ کا فائنل کھیلا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔