فرانس کا اسرائیل سے غزہ پر بمباری، فلسطینیوں کا قتل عام روکنے کا مطالبہ

ویب ڈیسک  ہفتہ 11 نومبر 2023
جنگ بندی کا فائدہ اسرائیل کو ہوگا، فرانسیسی صدر:فوٹو:فائل

جنگ بندی کا فائدہ اسرائیل کو ہوگا، فرانسیسی صدر:فوٹو:فائل

پیرس: فرانس نے اسرائیل سے فلسطینیوں کا قتل عام روکنے کا مطالبہ کیا ہے۔

فرانسیسی صدرایمانویل میکرون  نے ایک انٹرویو میں کہا غزہ میں شہریوں پربمباری کا کوئی جواز نہیں۔ حملوں میں بچوں، خواتین اور بزرگوں کو نشانہ بنایا جا رہا ہے۔اسرائیل غزہ پر بمباری بند کرے۔جنگ بندی کا فائدہ اسرائیل کو ہی ہوگا۔ غزہ کے مسئلے کا حل انسانی ہمدردی کی بنیاد پر جنگ بندی کے علاوہ کچھ نہیں۔ اسی طرح شہریوں کی جان بچانا ممکن ہے۔

دوسری جانب اسرائیلی وزیراعظم نیتن یاہو نے فرانسیسی صدر کے بیان پر ردعمل دیتے ہوئے کہا کہ فلسطینی مزاحمتی تنظیم حماس جو آج غزہ میں کر رہی ہے وہ کل پیرس، نیو یارک اور دنیا میں کہیں بھی کرسکتی ہے۔

اسرائیل کے غزہ پر 7 اکتوبر سے جاری حملوں میں شہید فلسطینیوں کی تعداد 11 ہزار سے تجاوز کر چکی ہے جس میں بڑی تعداد خواتین اور بچوں کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔