پیریگرائن فیلکن: رفتار میں دنیا کے تمام جانداروں کو مات دینے والا پرندہ

ویب ڈیسک  اتوار 26 نومبر 2023
فوٹو فائل

فوٹو فائل

دنیا بھر کے تمام جانوروں میں سب سے تیز رفتار جانور کی بات کی جائے تو آپ کے ذہن میں یقیناً چیتے کا نام آتا ہوگا جبکہ حقیقت میں ایسا نہیں ہے۔

 اگر آپ زمین پر سب سے تیز زمینی جانور کی بات کرتے ہیں تو ہاں، یہ کہا جاسکتا ہے کہ چیتا تیز دوڑنے والے جانوروں میں سے ایک تو ہے مگر اور بھی بہت سے جانور ہیں جو اس کی جتنی رفتار کے قریب قریب پہنچ سکتے ہیں۔

لیکن دنیا میں ایک ہی جانور ہے جو رفتار کے لحاظ سے تمام جانداروں کو پیچھے چھوڑ سکتا ہے اور وہ ’پیری گرائن فیلکن‘ ہے۔

دنیا کا تیز ترین جانور پیری گرائن فیلکن ایک پرندہ ہے۔ جس کی اڑان کے وقت رفتار 55 میل فی گھنٹہ تک پہنچ جاتی ہے اور یہ رفتار کئی اور پرندوں سے بہت زیادہ ہے اور جب پیری گرائن فیلکن فضا سے نیچے کی طرف آتا ہے تو اس کی رفتار کو کوئی چھو نہیں سکتا۔

ماہرین کے مطابق پیراگرائن ہوا سے زمین کی طرف آتے ہوئے 200 میل فی گھنٹہ کی رفتار سے تجاوز کر سکتے ہیں اور اس دوران حیران کن طور پر اپنے پروں کو جوڑ کر درستگی کے ساتھ اپنے شکار پر صحیح نشانہ لگا سکتے ہیں۔

ایک اندازہ لگانے کے لیے کہ 200 میل فی گھنٹہ کی رفتار کتنی ہے، ہم اس کا موازنہ 5 درجے کے طوفان سے کر سکتے ہیں جسے خطرناک ترین درجہ قرار دیا جاتا ہے کیونکہ اس میں دو سو میل فی گھنٹہ کی رفتار سے ہوائیں چلتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔