ٹرمپ کی دوسری اہلیہ کے خفیے معاشقے پر ایف بی آئی کی رپورٹ منظرعام پر آگئی

ویب ڈیسک  اتوار 26 نومبر 2023
ڈونلڈ ٹرمپ نے مارلا میپلز کو 1999 کو طلاق دیدی تھی، فوٹو: فائل

ڈونلڈ ٹرمپ نے مارلا میپلز کو 1999 کو طلاق دیدی تھی، فوٹو: فائل

 واشنگٹن: سابق امریکی صدر ڈونلڈ ٹرمپ نے تین شادیاں کی ہیں اور کسی نہ کسی موقع پر انھوں نے اپنی بیویوں سے دھوکے بازی بھی کی اور ان کے کئی معاشقے اور ناجائز تعلقات کا سب کو علم ہے تاہم اب پہلے بار ان کی دوسری اہلیہ کے خفیہ معاشقے کی رپورٹ سامنے آئی ہے۔

اسکائی نیوز میں شائع ہونے والی ایک رپورٹ میں کہا گیا ہے کہ سابق صدر ڈونلڈ ٹرمپ کی رومانوی داستانیں ہمیشہ سے دلکش کہانی رہی ہیں لیکن ایف بی آئی کی رپورٹ میں کچھ الگ انکشافات بھی ہوئے ہیں۔

ایف بی آئی اے کی ایک پرانی فائل کا حوالہ دیتے ہوئے اسکائی نیوز نے اپنی رپورٹ میں دعویٰ کیا کہ 1993 میں ڈونلڈ ٹرمپ نے اداکارہ اور گلوکارہ مارلا میپلز سے شادی کی تھی۔ ٹرمپ کی یہ دوسری شادی تھی۔

تاہم 1994 میں مارلا میپلز معروف راک اسٹار کرونر مائیکل بولٹن کی محبت میں مبتلا ہوگئیں اور جب ڈونلڈ ٹرمپ مغربی ساحل کے دورے پر روانہ ہوئے تو مارلا میپلز گلوکار مائیکل بولٹن کو گھر بلالیتی تھیں۔

ان دونوں کی ملاقاتیں اور معاشقے کی بھنگ سابق امریکی صدر کو بھی پڑ گئی تھی اور ایک موقع پر انھوں نے مارلا میپلز کو طلاق دینے کے بارے میں بھی سوچا تھا۔

بعد ازاں ٹرمپ نے اپنے، مارلا میپلز اور مائیکل بولٹن کے مثلث میں سے مائیکل بولٹن کو نکالنے کی ٹھانی اور اس میں کامیاب بھی رہے۔ مارلا میپلز اور مائیکل بولٹن کے درمیان بریک اپ ہوگیا۔

اس کے علاوہ مارلا میپلز کے ڈونلڈ ٹرمپ کے باڈی گارڈ اسپینسر ویگنر کے ساتھ بھی مبینہ ناجائز تعلقات تھے۔ ڈونلڈ ٹرمپ نے مارلا میپلز کو 1999 کو طلاق دیدی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔