جج دھمکی کیس میں عمران خان کی بریت کی درخواست خارج

ویب ڈیسک  بدھ 29 نومبر 2023
عدالت نے مزید کارروائی کیلئے سماعت 20دسمبر تک ملتوی کردی۔

عدالت نے مزید کارروائی کیلئے سماعت 20دسمبر تک ملتوی کردی۔

 اسلام آباد: سیشن عدالت نے جج دھمکی کیس میں عمران خان کی بریت کی درخواست خارج کردی۔

ڈسٹرکٹ اینڈ سیشن کورٹس اسلام آباد میں سول جج محمد مرید عباس نے چئیرمین پی ٹی آئی کے خلاف خاتون جج دھمکی کیس کی سماعت کی۔ پراسکیوٹر رضوان عباسی عدالت کے روبرو پیش ہوئے اور دلائل مکمل کیے۔

یہ بھی پڑھیں: عمران خان معافی مانگنے خاتون جج کے پاس پہنچ گئے، ملاقات نہ ہوسکی

عدالت نے فریقین کے دلائل سننے کے بعد چیئرمین پی ٹی آئی کی بریت کی درخواست خارج کردی۔ عدالت نے مزید کارروائی کیلئے سماعت 20دسمبر تک ملتوی کردی۔

واضح رہے کہ چیئرمین پی ٹی آئی پر تقریر کے دوران شہباز گل کا ریمانڈ دینے والی خاتون جج کو دھمکی دینے کا الزام تھا۔ کیس میں چئیرمن پی ٹی آئی نے بریت کی درخواست دائر کی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔