بمباری میں شہید ننھی پوتی کا دکھ مناتے دادا کی تباہ حال گھر آمد ہر آنکھ نم

غزہ میں غمزدہ دادا تباہ شدہ گھر میں شہید پوتی کی گڑیا کو چوم رہے ہیں، فوٹو: سی این این

---

اسرائیلی بمباری میں اپنی لاڈلی پوتی کو کھو دینے والے دادا جنگ بندی کے دوران اپنے تباہ حال گھر آئے، پوتی کی پسندیدہ گڑیا کو اٹھایا ، چوما اور پھوٹ پھوٹ کر رونے لگے۔

امریکی نشریاتی ادارے سی این این سے بات کرتے ہوئے غمزدہ دادا نے بتایا کہ اس تباہ شدہ گھر کے ملبے میں پیارے پوتے پوتیوں، 3 سالہ ریم اور 5 سالہ طارق کی کبھی نہ فراموش کرنے والی یادیں ہیں۔

جہاں کبھی ان بچوں کے قہقہے گونجتے تھے اور شرارتیں اچھلتی کودتی تھیں وہاں اب ویرانی کے ڈیرے ہیں اور کھا جانے والی خاموشی ہے۔ ٹوٹے پھوٹے کھلونے اپنے ان دوستوں کی یاد تازہ کروا رہے ہیں جو منوں مٹی تلے ہمیشہ کی نیند کے مزے لے رہے ہیں۔

"I Thought She Was Sleeping, She Was The Soul Of My Soul..."

The words of Palestinian grandfather Abu Dia'a whose two grandchildren were killed in Israeli airstrikes in #Gaza.

His video bidding farewell to his granddaughter Reem has deeply touched the hearts of millions... pic.twitter.com/iopF7mIDjS

- DOAM (@doamuslims) November 27, 2023

سی این این سے بات کرتے ہوئے انھوں نے اپنے پوتے پوتیوں کے ساتھ گزاری آخری شام کے بارے میں بتایا کہ بچے باہر کھیلنا چاہ رہے تھے لیکن جنگ کے باعث منع کردیا پھر بچوں نے پھل کی فرمائش کی لیکن دکانیں بند تھیں۔

نم آنکھوں سے وہ ہولناک منظر کو یاد کرتے ہوئے غمزدہ دادا نے بتایا کہ جس وقت بمباری ہوئی، گھر والے سو رہے تھے۔ میں پوتے پوتیوں کے کمرے میں گیا۔ اندھیرے اور ملبے کے باعث وہ مجھے مل نہیں رہے تھے۔

The Story of Khaled and the 'Soul of His Soul' His video bidding farewell to his granddaughter Reem has deeply touched the hearts of millions across the world. May Allah reunite them in Jannatul Firdous, Ameen!#Palestine #Gaza #GazaGenocide pic.twitter.com/fY6ZsB5wjR - DOAM (@doamuslims) November 29, 2023

کچھ لمحے توقف کے بعد دادا نے بمشکل اپنی بات جاری رکھتے ہوئے بتایا کہ میری پیاری پوتی کی آواز آئی کہ مجھ پر کوئی بھاری چیز گر گئی ہے میں دبی ہوئی ہوں لیکن وہ مجھے نظر نہیں آرہی تھی۔

میں کسی طرح اس تک پہنچا، اسپتال لے کر گیا لیکن ساری محنت کچھ کام نہ آئی وہی ہوا جس کے خوف سے میرا سینہ پھٹ رہا تھا اور میرا دماغ جیسے پک رہا تھا۔

وہ مجھے چھوڑ گئی۔ ہمیشہ کے لیے وہ مسکراہٹ بند ہوگئی جسے دیکھ کر میں جیتا تھا۔

Never fade from my mind pic.twitter.com/3hsjWb7bES

- Dalal al najjar (@Dalalalnajjar2) November 29, 2023

میں نے اپنے چمن کے سب سے خوش نما اور معطر پھول کو الوداع کیا۔ اللہ کی امانت اس کے حوالے کی۔ نہ جانے کب کیسے کسی نے ویڈیو بنالی جو سوشل میڈیا پر وائرل ہوگئی ورنہ تو غزہ میں روز ہی کسی نہ کسی گھر میں چراغ بجھ جاتا ہے اور کوئی پھول مرجھا جاتا ہے۔