’’ڈومیسٹک کرکٹ ترجیح ہے‘‘ احمد شہزاد کی ابوظہبی میں لیگ کھیلنے سے معذرت

ڈومیسٹک کرکٹ میں پُرفارم کرکے قومی ٹیم میں دوبارہ جگہ بنانا چاہتا ہوں، احمد شہزاد (فوٹو: ٹوئٹر)

---

اوپنر بلّے باز احمد شہزاد نے کہا ہے کہ وہ ابوظہبی میں ہونے والی ٹی10 لیگ کھیلنے کے بجائے ڈومیسٹک کرکٹ کھیلنے کو ترجیح دیں گے۔

سماجی رابطے کی ویب سائٹ ایکس پر کی گئی ٹوئٹ میں احمد شہزاد نے کہا کہ پی سی بی نے ابوظہبی میں ہونے والی ٹی-10 لیگ کھیلنے کی اجازت دیدی تھی جس پر ان کا شکرگزار ہوں تاہم میں نے ابوظہبی جانے سے معذرت کرلی ہے۔

احمد شہزاد نے مزید لکھا کہ ہمیشہ پاکستان کو فوقیت دی ہے، قومی ٹیم میں جگہ بنانے کی کوشش کرتا رہوں گا اور اس کے لیے ڈومیسٹک کرکٹ پر پوری توجہ مرکوز رکھی ہوئی ہے۔

مزید پڑھیں: عماد اور عامر پاکستان کیلئے کھیلنا نہیں چاہتے تھے، ڈائریکٹر قومی کرکٹ ٹیم

اوپنر بیٹر احمد شہزاد نے مزید کہا کہ ڈومیسٹک کرکٹ میں پرفارم کرکے نوجوان کرکٹرز کے لیے مثال بننا چاہتا ہوں۔ بنگال ٹائیگرز کا بھی شکریہ جنھوں نے مجھے پرفارمنس کی بنیاد پر سلیکٹ کیا۔

مزید پڑھیں: پی ایس ایل9؛ عماد وسیم نے کنگز، حسن علی نے یونائیٹڈ کو خیرباد کہہ دیا

احمد شہزاد نے قومی ٹیم کی جانب سے آخری ایک روزہ اور پانچ روزہ ٹیسٹ 2017 میں کھیلا تھا جب کہ ٹی-20 میں آخری میچ 2019 میں کھیلا تھا اور تب سے ٹیم میں جگہ نہیں بنا پائے ہیں تاہم مسلسل ڈومیسٹک کرکٹ کھیل رہے ہیں۔

I have respectfully refused a contract to play in the ongoing season of Abu Dhabi T10 League as I believe I have some unfinished business with my team Lahore Whites in National T20 Cup, and I want to carry on playing domestic cricket in Pakistan. I have always believed in putting... pic.twitter.com/d0h6AHyUdF

- Ahmad Shahzad (@iamAhmadshahzad) November 30, 2023

احمد شہزاد نے 81 ایک روزہ میچز میں 2 ہزار 605 رنز اور 59 ٹی-20 میچز میں 1471 رنز بنا سکے جب کہ 13 ٹیسٹ میچوں میں 982 رنز سمیٹے۔ ٹی ٹوئنٹی میچز میں انھوں نے 2 وکٹیں بھی لی ہیں۔