مردان میں سیکورٹی فورسز کا آپریشن، ٹی ٹی پی کا اہم دہشت گرد گرفتار

ویب ڈیسک  ہفتہ 2 دسمبر 2023
(فوٹو: فائل)

(فوٹو: فائل)

مردان: سیکورٹی فورسز نے مردان ریجن میں ایک آپریشن کے دوران بڑی کامیابی حاصل کرلی، جس میں ٹی ٹی پی کے اہم دہشت گرد کو گرفتار کرلیا گیا۔

کامیاب  کارروائی کے نتیجے میں صوبائی دارالحکومت پشاور دہشت گردی کے بڑے واقعے سے بچ گیا۔ ٹی ٹی پی کے انتہائی مطلوب دہشت گرد نے تفتیش کے دوران اہم انکشافات کیے ہیں۔

گرفتار دہشت گرد کی نشان دہی پر ضلع خیبر سے بڑی تعداد میں گولہ بارود، خودکش جیکٹس میں استعمال ہونے والا بارودی مواد ، ڈیٹونیٹر اور اسلحہ برآمد کر لیا گیا ہے۔

ٹی ٹی پی کے دہشت گرد آنے والے دنوں میں پشاور میں دہشت گردی کی بڑی  کارروائیوں کی منصوبہ بندی کر رہے تھے، جس کو کامیاب آپریشن کے بعد ناکام بنا دیا گیا ہے اور دشمن کے عزائم خاک میں مل گئے ہیں ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔