بھارتی فضائیہ کا طیارہ گر کر تباہ؛ ہلاکتیں

ویب ڈیسک  پير 4 دسمبر 2023
تباہ ہونے والے طیارے نے حیدرآباد شہر میں انڈین ایئرفورس اکیڈمی سے پرواز بھری تھی, فوٹو؛ بھارتی میڈیا

تباہ ہونے والے طیارے نے حیدرآباد شہر میں انڈین ایئرفورس اکیڈمی سے پرواز بھری تھی, فوٹو؛ بھارتی میڈیا

بھارتی فضائیہ کا طیارہ پرواز بھرنے کے کچھ ہی دیر بعد ہچکولے کھاتے ہوئے زمین بوس ہوگیا۔ طیارے میں دو پائلٹس موجود تھے۔

بھارتی میڈیا کے مطابق طیارے نے ریاست تلنگانہ کے شہر حیدرآباد میں انڈین ایئرفورس اکیڈمی سے معمول کی تربیتی پرواز کے لیے اُڑان بھری تھی تاہم کچھ ہی دیر بعد طیارے کا کنٹرول ٹاور سے رابطہ منقطع ہوگیا تھا۔

طیارہ کا رابطہ منقطع ہونے کے بعد سرچ آپریشن شروع کیا گیا جس کے دوران طیارے کا ملبہ ایک میدانی علاقے سے مل گیا۔ طیارہ مکمل طور پر جل کر خاکستر ہوگیا تھا۔

ریسکیو ٹیم نے امدادی کاموں کے دوران طیارے کے ملبے سے دونوں پائلٹس کی لاشیں نکال کر ملٹری اسپتال منتقل کردیا۔ ہلاک ہونے والوں میں ایک انسٹرکٹر اور دوسرا آن ٹرینی پائلٹ تھا۔

بھارتیہ فضائیہ کے ترجمان کا کہنا ہے کہ حادثے کی وجوہات کے تعین کے لیے انکوائری کمیٹی تشکیل دیدی گئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔