رنیبر کپور نے بالی ووڈ کنگ شاہ رخ خان کو مات دیدی

ویب ڈیسک  پير 4 دسمبر 2023
فوٹو : ویب ڈیسک

فوٹو : ویب ڈیسک

 ممبئی: بالی ووڈ سُپر اسٹار رنبیر کپور کی میگا تھرلر ایکشن فلم ’انیمل‘ نے شاہ رخ خان کی بلاک بسٹر فلم ‘پٹھان’ کو شکست دے دی ہے۔

بھارتی میڈیا کے مطابق یکم دسمبر کو ریلیز ہونے والی رنبیر کپور کی  فلم ’انیمل‘ نے صرف تین دن میں پوری دنیا میں مجموعی طور پر 360 کروڑ روپے کا بزنس کرلیا ہے جس کے بعد یہ ‘جوان’ کے بعد دوسری بالی ووڈ فلم بن گئی ہے جس نے ریلیز کے صرف تین دن میں 300 کروڑ سے زائد کا بزنس کیا ہو۔

تین سو کروڑ کا سنگِ میل عبور کرکے ’انیمل‘ نے بالی ووڈ کنگ شاہ رخ خان کی فلم ‘پٹھان’ کو پیچھے چھوڑ دیا ہے، ‘پٹھان’ کا باکس آفس پر تین دن کا کلیکشن 313 کروڑ تھا جبکہ یہ بھی کہا جارہا ہے کہ شاید رنبیر کپور کی ‘انیمل’ شاہ رخ خان کی دوسری سُپر ہٹ فلم ‘جوان’ کو بھی مات دے سکتی ہے۔

سندیپ ریڈی وانگا کی ہدایت کاری میں بننے والی اس فلم میں رنبیر کپور، انیل کپور، بوبی دیول اور رشمیکا مندانا سمیت دیگر اداکاروں کو کاسٹ کیا گیا۔

مزید پڑھیں: فلم ‘انیمل’ نے بوبی دیول کو رُلا دیا، ویڈیو وائرل

مداحوں کو فلم ’انیمل‘ کا بےصبری سے انتظار تھا کیونکہ اس فلم کے سنسنی خیز ٹریلر نے ریلیز سے پہلے ہی رنبیر کپور کے کردار کی دہشت پھیلا رکھی تھی، ٹریلر میں رنبیر کپور کو بےرحمی سے قتل کرتے ہوئے دکھایا گیا تھا۔

اب ریلیز کے بعد فلم ’انیمل‘ کو مداحوں کی جانب سے خوب پذیرائی مل رہی ہے اور اس فلم نے باکس آفس پر طوفان برپا کیا ہوا ہے۔

مزید پڑھیں: سینما گھروں کے باہر رش، رنبیر کپور کی فلم “انیمل” ریلیز ہوتے ہی چھاگئی

یاد رہے کہ ’انیمل‘ میں رنبیر کپور کے مقابلے میں بوبی دیول نے ولن کا کردار ادا کیا ہے جبکہ رشمیکا مندانا نے فلم میں خاتون اداکارہ کا مرکزی کردار نبھایا ہے۔

اس کے علاوہ انیل کپور ’انیمل‘ میں رنبیر کپور کے والد کے کردار میں نظر آئے، فلم کو یکم دسمبر کو پوری دنیا میں پانچ زبانوں ہندی، تیلگو، تامل، کناڈا اور ملیالم میں ریلیز کیا گیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔