بھارتی ٹی وی شو ' سی آئی ڈی' کے اداکار چل بسے

ویب ڈیسک  منگل 5 دسمبر 2023
اداکارنے سی آئی ڈی کے کچھ اقساط تحریر بھی کیں:فوٹو:سوشل میڈیا

اداکارنے سی آئی ڈی کے کچھ اقساط تحریر بھی کیں:فوٹو:سوشل میڈیا

 ممبئی: طویل عرصے تک چلنے والے بھارتی ٹی وی شو ‘ سی آئی ڈی’ کے اداکار ممبئی میں انتقال کرگئے۔

بھارتی میڈیا رپورٹس کے مطابق ْسی آئی ڈی’ میں فریڈرکس کا  کردار نبھانے والے اداکار دنیش فدنیس کو دو روز قبل دل کا دورہ پڑنے کے بعد مقامی اسپتال میں وینٹیلٹر پر منتقل کیا گیا تھا۔

میڈیا  رپورٹس کے مطابق طویل عرصے سے جاری کرائم شو ’’سی آئی ڈی‘‘ میں دنیش کے ساتھ کام کرنے والے ساتھی اداکار نے ان کی موت کی تصدیق کردی۔ دنیش کی عمر 50 سال سے زائد تھی۔

مزید پڑھیں: مشہور زمانہ بھارتی ڈراما “CID” کے اداکار کو دل کا دورہ

دنیش نے سی آئی ڈی میں اداکاری کرنے کے علاوہ مقبول سیریز کی کچھ اقساط بھی لکھیں تھیں۔ انہوں نے بالی ووڈ کی فلموں سرفروش اور سپر 30 میں بھی اداکاری کے جوہر دکھائے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔