ٹک ٹاک وڈیوز بنانے کیلئے ڈکیتیاں کرنے والا گروہ گرفتار

وسیم خان عرف ساجد اور زاہد مختلف ملبوسات میں وڈیوز بنانے کے لیے ڈکیتیاں و چوریاں کرتے تھے۔

---

پولیس نے ٹک ٹاک پر وڈیوز بنانے کی خاطر ڈکیتیاں و چوریاں کرنے والا گروہ گرفتار کرلیا۔

ایس پی ماڈل ٹاؤن ارتضی کمیل کے مطابق لیاقت آباد پولیس نے کارروائی کرتے ہوئے 2 رکنی متحرک چور و ڈکیت گروہ گرفتار کرلیا ، جن میں وسیم خان عرف ساجد اور زاہد شامل ہیں، جو مختلف ملبوسات میں وڈیوز بنانے کے لیے ڈکیتیاں و چوریاں کرتے تھے۔

فوٹیجز میں ملزمان کواسلحہ کی نمائش و ہوائی فائرنگ کرتے دیکھا جا سکتا ہے۔ ملزمان نے شہر کے مختلف علاقوں میں ڈکیتی و چوریوں کی متعدد وارداتوں کا اعتراف کیا۔

ملزمان سے ایک لاکھ نقدی، 2 موبائلز اور وارداتوں میں استعمال ہونے والی ہنڈا 125 برآمد ہوئی۔ ملزمان کو مزید تفتیش کے لیے انویسٹی گیشن ونگ کے حوالے کردیا گیا۔

[video width="480" height="864" mp4="https://c.express.pk/2023/12/whatsapp-video-2023-12-05-at-11.13.34-am-1701763089.mp4"][/video]