اسرائیلی فوج نے جیل میں فلسطینی بچے کیساتھ جنسی زیادتی کی امریکی عہدیدار

اسرائیل کو فلسطینیوں کی نسلیں تباہ کرنے کے لیے کھلی چھوٹ نہ دی جائے، جوش پال

---

امریکی وزارت خارجہ میں سیاسی و فوجی امور کے سابق ڈائریکٹر جوش پال نے انکشاف کیا ہے کہ اسرائیلی جیل میں فلسطینی بچوں کے ساتھ زیادتی کے واقعات بھی رونما ہوئے ہیں۔

امریکی نشریاتی ادارے سی این این کو دیئے گئے انٹرویو میں وزارت خارجہ کے عسکری امور کے ڈائریکٹر جوش پال نے اسرائیل کو مہلک ہتھیاروں کی فراہمی پر احتجاجاً مستعفی ہونے سے لے کر فلسطین میں اسرائیلی مظالم پر کھل کر بات کی۔

جوش پال نے اپنے استعفے سے متعلق بتایا کہ میرا موقف واضح تھا۔ اگر اسرائیل کو فلسطینیوں کی نسلیں تباہ کرنے کے لیے کھلی چھوٹ دی گئی، اسلحہ فراہم کیا گیا تو ان کی ایک ایسی نئی نسل تیار ہوجائے گی جو امریکا کی سخت دشمن ہوگی اور یہ امریکا کے مفاد میں اچھا نہیں ہوگا۔

"Israel raped a child in jail. When being investigated, Israel accused the child protection organization of being a terrorist entity"

This interview was aired yesterday. #Israel pic.twitter.com/d5uxgLocpy

- Abier (@abierkhatib) December 5, 2023

سی این این کو دیئے گئے انٹرویو میں جوش پال نے ہولناک انکشافات کرتے ہوئے بتایا کہ اسرائیل کے فوجیوں نے جیل میں ایک بچے کو جنسی زیادتی کا نشانہ بنایا اور اس پر آواز اُٹھانے والی بچوں کے تحفظ کی تنظیم پر ہی اسرائیل نے دہشت گرد ادارہ ہونے کا الزام لگا دیا۔

یہ خبر پڑھیں : اسرائیل کو ہلاکت خیز ہتھیاروں کی فراہمی پر امریکی محکمہ خارجہ کا اعلیٰ افسر مستعفی

جوش پال نے امریکی حکومت کو اسرائیل کی بے جا حمایت اور اسلحے کی فراہمی کو بند کرنے کا مطالبہ کرتے ہوئے کہ آپ آگ سے کھیل رہے ہیں جس کے نتائج اچھے ثابت نہیں ہوں گے۔