فلپائن میں مسافر بس گہری کھائی میں گر گئی؛ 17 افراد ہلاک

ویب ڈیسک  بدھ 6 دسمبر 2023
فلپائن میں مسافر بس حادثے میں ہلاکتوں کی تعداد 28 ہونے کا خدشہ، فوٹو: فائل

فلپائن میں مسافر بس حادثے میں ہلاکتوں کی تعداد 28 ہونے کا خدشہ، فوٹو: فائل

منیلا: فلپائن میں مسافر بردار بس ایک ایسی کھائی میں جا گری جسے موت کا کنواں بھی کہا جاتا ہے۔

عالمی خبر رساں ادارے کے مطابق فلپائن کے ایک صوبے سے دوسرے صوبے جانے والی بس میں 30 سے زائد مسافر موجود تھے۔

مسافر بس ایک موڑ کاٹتے ہوئے گہری کھائی میں گر گئی۔ 28 مسافروں کو شدید زخمی حالت میں اسپتال منتقل کیا گیا جہاں 17 اموات کی تصدیق کردی گئی۔

پولیس کا کہنا ہے کہ بقیہ مریضوں کی حالت بھی تشویشناک ہے۔ زخمیوں میں سے چند ایک کے ہی زندہ بچنے کی امید ہے۔ ہلاک اور زخمی ہونے والوں میں خواتین اور بچے بھی شامل ہیں۔

عینی شاہدین کا کہنا ہے کہ حادثہ بس کے بریک فیل ہوجانے کے باعث آیا تاہم پولیس کا کہنا ہے کہ ابھی تفتیش ابتدائی مراحل میں ہے۔ مکمل تفتیش کے بعد ہی حادثے کی وجہ کے بارے میں کچھ کہا جا سکتا ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔