"اینیمل" میں مختصر کردار سے ترپتی ڈمری کی مقبولیت میں ہوشربا اضافہ

ویب ڈیسک  ہفتہ 9 دسمبر 2023
فوٹو : اسکرین گریب

فوٹو : اسکرین گریب

 ممبئی: سال 2017 سے بالی ووڈ میں اپنی اداکاری کے جوہر دکھانے والی اداکارہ تریپتی دیمری کی مقبولیت میں فلم “اینیمل” کے مختصر کردار نے ناقابلِ یقین اضافہ کردیا۔

یکم دسمبر کو ریلیز ہونے والی میگا ایکشن تھرلر فلم “انیمل” میں تریپتی دیمری نے رنبیر کپور کے مقابل مختصر کردار ادا کیا، اُنہوں نے اپنے اس کردار کے ذریعے لاکھوں لوگوں کو اپنا گرویدہ بنالیا۔

بھارتی میڈیا کے مطابق فلم “انیمل” کی ریلیز سے قبل تریپتی دیمری کے انسٹاگرام فالوورز کی تعداد صرف 6 لاکھ تھی لیکن فلم کی ریلیز کے چند بعد ہی اُن کے فالوورز میں 23 لاکھ کا اضافہ ہوگیا ہے۔

تریپتی دیمری کے آفیشل انسٹاگرام اکاوْنٹ پر موجودہ فالوورز کی تعداد 2.9 ملین یعنی 29 لاکھ ہوگئی ہے۔

tr

واضح رہے کہ رنبیر کپور کی ’انیمل‘ نے انڈین باکس آفس پر تہلکہ مچایا ہوا ہے، یکم دسمبر کو ریلیز ہونے والی فلم اب تک پوری دنیا سے 500 کروڑ سے زائد کا بزنس سمیٹ چکی ہے۔

’انیمل‘ میں رنبیر کپور کے مقابلے میں بوبی دیول نے ولن کا کردار ادا کیا ہے جبکہ رشمیکا مندانا نے فلم میں خاتون اداکارہ کا مرکزی کردار نبھایا ہے۔

مزید پڑھیں: رنیبر کپور نے بالی ووڈ کنگ شاہ رخ خان کو مات دیدی

یاد رہے کہ 29 سالہ تریپتی دیمری نے بالی ووڈ میں 2017ء میں کامیڈی فلم ‘پوسٹر بوائے’ سے ڈیبیو کیا تھا، جس کے بعد انہوں نے 2018ء میں ‘لیلیٰ مجنوں’، 2020ء میں ‘بلبل’ اور 2022ء میں فلم ’کلاں‘ میں نمایاں کردار ادا کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔