عسکری ٹاور جلاؤ گھیراؤ کیس میں اسد عمر کی عبوری ضمانت خارج

ویب ڈیسک  ہفتہ 9 دسمبر 2023
(فوٹو: فائل)

(فوٹو: فائل)

 لاہور: عدالت نے عسکری ٹاور جلاؤ گھیراؤ کیس میں اسد عمر کی عبوری ضمانت خارج کردی۔

انسدد دہشت گردی عدالت کی جج عبہر گل نے عدم پیروی کی بنیاد پر سابق وفاقی وزیر خزانہ اسد عمر کی عبوری ضمانت خارج کی۔

دوران سماعت عدالت نے اسد عمر کی ایک روزہ حاضری معافی کی درخواست مسترد کردی ۔

واضح رہے کہ اسد عمر کے خلاف عسکری ٹاور جلاؤ گھیراؤ کا مقدمہ تھانہ گلبرگ پولیس نے درج کررکھا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔