سنی دیول کا اپنی نشے میں دھت وائرل ویڈیو پر ردعمل

سنی دیول کئی بار انٹرویوز میں کہہ چکے ہیں کہ وہ شراب نہیں پیتے : فوٹو : ویب ڈیسک

---

بالی ووڈ اسٹار سنی دیول نے سوشل میڈیا پر وائرل ہونے والی اپنی اُس ویڈیو کے پیچھے کی کہانی بتا دی جس کے حوالے سے کہا جارہا تھا کہ اداکار نے نشہ کیا ہوا ہے۔

گزشتہ دنوں سوشل میڈیا پر سنی دیول کی ایک ویڈیو وائرل ہوئی تھی جس میں وہ ممبئی کی مصروف سڑک پر گھوم رہے تھے، ویڈیو دیکھ کر ایسا لگ رہا تھا جیسے اداکار نشے کی حالت میں ہوں۔

مذکورہ ویڈیو پر صارفین نے تبصرے کرتے ہوئے کہا تھا کہ اداکار نے نشہ کیا ہوا ہے اور وہ اپنے ہوش و حواس میں نہیں ہیں، اسی لیے ایسی حالت میں سڑک پر گھوم رہے ہیں۔

تاہم، اب سنی دیول نے اپنے حالیہ انٹرویو کے دوران ویڈیو کی حقیقت بتائی، اداکار نے کہا کہ "وہ ویڈیو اصل نہیں تھی بلکہ وہ شوٹنگ کے دوران ریکارڈ کی گئی ویڈیو تھی لہٰذا آپ سب تسلی رکھیں، میں نے کوئی نشہ نہیں کیا ہوا تھا"۔

سنی دیول نے سوال کیا کہ "اگر مجھے شراب نوشی کرنی ہی ہے تو کیا میں غیرمستحکم حالت میں سڑک پر آکر رکشے میں بیٹھ کر کروں گا؟"

اداکار نے مزید کہا کہ "سچ تو یہ ہے کہ میں شراب نوشی نہیں کرتا اور نہ کوئی دوسرا نشہ کرتا ہوں، وہ صرف فلم کی شوٹنگ تھی"۔

Sunny Deol kaha ghoom raha raat ko? pic.twitter.com/L3Yz5bLRhW

- . (@single_soul1) December 5, 2023

واضح رہے کہ رواں سال سنی دیول اور امیشا پٹیل کی سُپر ہٹ فلم "غدر 2" ریلیز ہوئی تھی جس نے پوری دُنیا سے مجموعی طور پر 1000 کروڑ روپے سے زیادہ کا بزنس کیا تھا۔

سنی دیول کو فلم کی بلاک بسٹر کامیابی کے بعد متعدد پروجیکٹ آفر ہوئے تھے، اب وہ اپنی نئی فلمیں 'سفر'، 'لاہور 1947' اور 'باپ' کی شوٹنگ میں مصروف اور ریلیز کے منتظر ہیں۔