آئی پی ایل؛ مچل اسٹارک مہنگے ترین کرکٹر، نائٹ رائیڈرز نے کتنے میں خریدا؟

ویب ڈیسک  منگل 19 دسمبر 2023
آسٹریلوی کپتان پیٹ کمنز دوسرے مہنگے ترین کرکٹر ہیں (فوٹو: ایکسپریس ویب)

آسٹریلوی کپتان پیٹ کمنز دوسرے مہنگے ترین کرکٹر ہیں (فوٹو: ایکسپریس ویب)

آسٹریلیا کو ورلڈکپ جتوانے میں اہم کردار ادا کرنے والے فاسٹ بولر مچل اسٹارک انڈین پریمئیر لیگ (آئی پی ایل) کی تاریخ کے مہنگے ترین کرکٹر بن گئے۔

بھارتی میڈیا کی رپورٹ کے مطابق آئی پی ایل کی معروف فرنچائز کولکتہ نائٹ رائیڈرز نے فاسٹ بولر مچل اسٹارک کو 24.75 بھارتی کروڑ روپے (یعنی امریکی ڈالر میں 2 لاکھ 97 ہزار امریکی ڈالر) میں خریدا۔

دوسری جانب آسٹریلوی کپتان پیٹ کمنز کو سن رائزرز حیدرآباد نے 20.40 بھارتی کروڑ (امریکی ڈالر میں 2 لاکھ 45 ہزار امریکی ڈالر) میں ٹیم میں شامل کیا تھا، وہ آئی پی ایل کی تاریخ کے دوسرے مہنگے ترین کرکتر بنے تھے۔

یہ پڑھیں : آئی پی ایل2024؛ پیٹ کمنز دوسرے مہنگے ترین کرکٹر بن گئے

آسٹریلوی کرکٹر پیٹ کمنز نے 8 سال کے طویل عرصے بعد انڈین پریمئیر لیگ میں واپسی کی ہے، وہ بین الاقوامی کرکٹ میں توجہ دینے کیلئے لیگز میں کھیلنے سے گریز کررہے تھے۔

سال 2018 میں کولکتہ نائٹ رائیڈرز نے ان کی خدمات 9.4 کروڑ روپے میں حاصل کی تھیں تاہم وہ انجری کا شکار ہوکر ٹورنامںٹ سے باہر ہوگئے تھے۔

مزید پڑھیں: آئی پی ایل2024؛ بالنگ قوانین میں بڑی تبدیلی کردی گئی

مچل اسٹارک نے سال 2014 میں اپنے آئی پی ایل کیرئیر کا آغاز رائل چیلنجرز بنگلور کے ساتھ کیا تھا، جہاں انہوں نے 28.71 کی اوسب سے 14 وکٹیں حاصل کی تھیں جبکہ اگلے برس 13 میچوں میں صرف 14.55 کی شاندار اوسط کے ساتھ 20 وکٹیں لیکر کامیاب بالر رہے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔