جاپانی طیارہ لینڈنگ کے وقت جل کر تباہ، 379 افراد کو بچالیا گیا

ویب ڈیسک  منگل 2 جنوری 2024
طیارے میں آگ لگنے کی تحقیقات جاری ہیں:فوٹو:اسکرین گریب

طیارے میں آگ لگنے کی تحقیقات جاری ہیں:فوٹو:اسکرین گریب

 ٹوکیو: جاپان کی ائیرلائن کے طیارے میں رن وے پر لینڈنگ کے دوران آگ بھڑک اٹھی۔

غیرملکی میڈیا رپورٹس کے مطابق جاپانی ائیرلائن کا طیارہ ٹوکیو ائیرپورٹ پر لینڈ کررہا تھا کہ رن وے پر اترتے ہی اس میں آگ بھڑک اٹھی۔ آگ لگنے سے طیارہ مکمل طورپر جل کرتباہ ہوگیا۔  طیارے میں عملے کے ارکان سمیت  3 سو 79مسافر سوار تھے جنہیں بحفاظت نکال لیا گیا۔ ائیرپورٹ پر لگائے گئے کیمروں میں طیارے کے رن وے پر اترنے کے ساتھ ہی آگ لگنے کے مناظر ریکارڈ ہوگئے۔ طیارے میں آگ لگنے کی ویڈیو سوشل میڈیا پر وائرل ہوگئی۔

کریش لینڈنگ کرنا والا طیارہ  لینڈنگ کے ساتھ ہی مکمل طور پر شعلوں کی لپیٹ میں آگیا۔ حکام نے فوری طورپر آگ بجھانے اور مسافروں کو جلتے ہوئے طیارے سے نکالنے کے لیے آپریشن شروع کردیا۔

جاپانی حکام کے مطابق  آگ لگنے کی وجوہات جاننے کے لیے تحقیقات شروع کردی گئی ہیں۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔