لَو ٹرائی اینگل؛ سرکاری اسکول میں استاد نے استانی اور رقیب ٹیچر کو قتل کردیا

ویب ڈیسک  بدھ 31 جنوری 2024
42 سالہ ٹیچر روی رانجن نے حسد میں خاتون ٹیچر 35 سالہ سوجاتا مشرا اور 40 سالہ استاد آدرش سنگھ کو قتل کیا، فوٹو: فائل

42 سالہ ٹیچر روی رانجن نے حسد میں خاتون ٹیچر 35 سالہ سوجاتا مشرا اور 40 سالہ استاد آدرش سنگھ کو قتل کیا، فوٹو: فائل

نئی دہلی: بھارتی ریاست جھاڑکھنڈ کے سرکاری اسکول میں ایک استاد نے فائرنگ کرکے 2 ساتھی ٹیچرز کو قتل کردیا اور خود کو بھی گولی مارلی۔

بھارتی میڈیا کے مطابق جھاڑ کھنڈ کے ضلع گوڈا میں چترا اسکول میں 42 سالہ ٹیچر روی رانجن نے خاتون ٹیچر 35 سالہ سوجاتا مشرا اور 40 سالہ استاد آدرش سنگھ کو قتل کردیا۔

بعد ازاں قاتل ٹیچر نے اسی بندوق سے خود کو بھی گولی مارلی جنھیں شدید زخمی حالت میں اسپتال منتقل کیا گیا جہاں ان کی حالت تشویشناک بتائی جا رہی ہے۔

پولیس کا کہنا ہے کہ ابتدائی تفتیش میں یہ معاملہ لو افیئر کا لگتا ہے۔ قاتل اور مقتول مرد ٹیچرز اسکول کی ایک ہی خاتون ٹیچر سے محبت کرتے تھے۔

پولیس کے بقول خاتون ٹیچر سوجاتا دوسرے ٹیچر آدرش میں دلچسپی رکھتی تھیں جس پر ٹیچر روی حسد کی آگ میں جلتا رہتا تھا۔

پولیس کا کہنا ہے کہ اس حوالے سے اسکول ہیڈماسٹر، اساتذہ اور طلبا سے تفتیش کی ہے۔ زخمی روی کا بیان بھی قلم بند کیا جائے گا جس کے بعد اصل حقیقت معلوم ہوسکتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔