دیرالبلاح پناہ گزین کیمپ میں فلسطینی جوڑے نے شادی کرلی

ویب ڈیسک  منگل 20 فروری 2024
تصاویر: انسٹاگرام

تصاویر: انسٹاگرام

 غزہ: اسرائیل اور حماس کے درمیان جاری جنگ کے درمیان ایک اور فلسطینی جوڑے نے شادی کرلی۔

جنگ کے آغاز سے ہی فلسطینی عوام جرأت اور انسانیت کی زندہ مثال بنے ہوئے ہیں۔ بہت سے لوگوں نے اپنے تمام بچوں اور خاندانوں کو کھو دیا لیکن وہ اب بھی ثابت قدم اور اپنی سزمین چھوڑنے سے انکاری ہیں۔

shadi9

صبر و قناعت اور مصائب کا مقابلہ کرنا فلسطین کے لوگوں کا خاصہ ہے۔ انکی مسکراہٹ اور خوشی بزدل اسرائیلی فوج کے دلوں میں خوف پیدا کرتی ہے۔ اپنے وطن سے تعلق کا ایندھن انہیں آگ کے منہ میں کھڑا ہونے پر دھکیلتا ہے۔

shadi8

سات اکتوبر 2023 سے اب تک 28 ہزار سے زائد شہادتوں کے باوجود بہادر فلسطینی قوم کے عزم و ہمت میں ذرہ برابر کمی نہیں آسکی اور انہی تکلیف دہ حالات میں انہوں نے خوش رہنا سیکھ لیا ہے۔

shadi2

جس کی مثال تین روز قبل شائمہ اور محمود کی شادی کی صورت میں نظر آئی۔ گزشتہ ماہ رفح میں بھی ایک فلسطینی جوڑے کی شادی کی خبریں سرخیوں میں آئی تھیں۔shadi7

عرب میڈیا کے مطابق شائمہ اور محمود کی شادی کی تقریب 16 فروری 2024 کو وسطی غزہ کے علاقے دیر البلاح میں واقع پناہ گزین کیمپ میں منعقد ہوئی جس میں دلہا دلہن اور کیمپ میں رہائش پذیر فلسطینیوں نے شرکت کی۔

shadi6

شادی کی تصاویر اور ویڈیوز وائرل ہوئی ہیں جس میں خواتین دلہن کے ارد گرد جمع ہو کر خوشی کے گیت گارہی ہیں جبکہ نوجوانوں نے خیمے کے باہر جشن مناتے ہوئے دولہا محمود کو اپنے کندھوں پر اٹھا رکھا ہے۔

shadi5

دلہن شائمہ نے روایتی فلسطینی عروسی لباس پہن رکھا تھا جس میں گہرے سرخ اور سفید رنگ کی آمیزش تھی۔انہوں نے ایک سفید اسکارف بھی پہنا ہوا تھا جس نے اس کے چہرے کو مکمل طور پر ڈھانپ رکھا تھا جبکہ ہاتھوں میں گلاب کا گلدستہ بھی موجود تھا۔

shadi4

گزشتہ ماہ اسرائیلی قابض فوج کی وسطی غزہ کی پٹی پر مسلسل بمباری نے دیر البلاح، الزوائدہ کے قصبے اور المغازی کیمپ کو تباہ کردیا، دوسری جانب مشرقی خان یونس پر بھی مسلسل بمباری کی گئی۔

shadi3

فلسطینی محکمہ صحت کے تازہ ترین بیان کے مطابق اسرائیلی جارحیت کے نتیجے میں شہداء کی تعداد 28 ہزار 775 اور زخمیوں کی تعداد 68 ہزار 552 تک پہنچ چکی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔