راولپنڈی میں نوجوان لڑکے سے زیادتی کرنے والے تین ملزمان گرفتار
ملزمان وارث، ساجد اور نعمان نے لڑکے کو کام کے بہانے گھر بلا یا اور زیادتی کا نشانہ بنایا، مقدمہ درج کرلیا گیا، پولیس
نوجوان لڑکے سے زیادتی کرنے والے تین ملزمان کو گرفتار کرلیا گیا۔
ایکسپریس نیوز کے مطابق راول پنڈی کے علاقے صدر واہ پولیس نے 18 سالہ لڑکے سے زیادتی کرنے والے تین ملزمان کو گرفتار کیا ہے، ملزمان وارث، ساجد اور نعمان نے کام کے بہانے گھر بلا یا اور زیادتی کا نشانہ بنایا، پولیس نے متاثرہ لڑکے کی درخواست پر مقدمہ درج کرکے تینوں ملزمان کوگرفتا رکرلیا۔
ایس پی پوٹھوہار ناصر نواز کے مطابق متاثرہ لڑکے کا میڈیکل پراسیس کرایا گیا ہے، ملزمان کو قرار واقعی سزاد لوانے کے لیے تمام قانونی تقاضے پورے کیے جائیں گے، زیادتی ناقابل برداشت عمل ہے اس میں ملوث ملزمان قانون کی گرفت سے نہیں بچ سکتے۔