لسبیلہ میں ماحولیاتی نمونے میں پولیو وائرس کی تصدیق ہوئی ہے، وزارت صحت

ویب ڈیسک  بدھ 21 فروری 2024
ملک بھر میں 26 فروری کو پولیو مہم کا انعقاد کیا جائے گا—فائل: فوٹو

ملک بھر میں 26 فروری کو پولیو مہم کا انعقاد کیا جائے گا—فائل: فوٹو

 اسلام آباد: وفاقی وزارت صحت کے ترجمان نے کہا ہے کہ بلوچستان کے ضلع لسبیلہ میں ماحولیاتی نمونے میں پولیو وائرس کی تصدیق ہوگئی ہے۔

ترجمان وزارت صحت نے کہا کہ پولیو وائرس ایک جگہ سے دوسری جگہ منتقل ہو رہا ہے اور بچوں کے لیے مسلسل خطرہ ہے، سرویلنس نظام پولیو وائرس کی موجودگی کا سراغ لگانے میں مؤثر کام کر رہا ہے۔

انہوں نے کہا کہ پولیو کا خاتمہ اولین ترجیح ہے تاکہ بچوں کو اس موذی مرض سے بچایا جا سکے۔

ترجمان نے بتایا کہ26  فروری سے ملک گیر پولیو مہم کا انعقاد کیا جا رہا ہے اور والدین اپنے بچوں کو پولیو سے بچاؤ کے قطرے پلوانے کے ساتھ حفاظتی ٹیکوں کا کورس بھی مکمل کروائیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔