ملک کسی انتشار کا متحمل نہیں ہوسکتا سب کومل کربیٹھنا ہوگا، شہباز شریف

ویب ڈیسک  جمعـء 23 فروری 2024
عوام کو ریلیف دینے کے لیے دن رات کام کریں گے، رہنما ن لیگ:فوٹو:فائل

عوام کو ریلیف دینے کے لیے دن رات کام کریں گے، رہنما ن لیگ:فوٹو:فائل

 لاہور: پاکستان مسلم لیگ (ن) کے رہنما شہباز شریف نے کہا ہے کہ ملک کسی انتشار کا متحمل نہیں ہوسکتا سب کو مل کر بیٹھنا ہوگا۔

وزارت اعظمیٰ کے لیے (ن) لیگ کے نامزد امیدوار شہباز شریف نے بیان میں کہا کہ ملک کو درپیش چیلنجز کا مقابلہ افہام و تفہیم اور باہمی اتحاد سے ہی کیا جا سکتا ہے۔ ملک کو معاشی طور پر مستحکم کرنا میری اولین ترجیح ہے۔ ملک کسی صورت انتشار کا متحمل نہیں ہوسکتا۔

شہباز شریف کا مزید کہنا تھا کہ پوری تندہی، محنت اور ایمانداری سے عوام کی خدمت کریں گے۔ ملک کو ترقی دینے اور عوام کو ریلیف دینے کے لیے شب و روز کاوشیں کی جائیں گی۔ قائد (ن) لیگ میاں نواز شریف کی قیادت میں ملک کو بحرانوں سے نکالیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔