سنی اتحاد کونسل کو مخصوص نشستیں دینے کے کیس کی سماعت آج ہوگی

ویب ڈیسک  پير 26 فروری 2024
فوٹو فائل

فوٹو فائل

 اسلام آباد: الیکشن کمیشن آف پاکستان نے سنی اتحاد کونسل کو مخصوص نشستیں دینے کی درخواست کو منگل کو سماعت کیلیے مقرر کرلیا۔

ذرائع کے مطابق الیکشن کمیشن نے سنی اتحاد کونسل کو مخصوص نشستوں کی الاٹمنٹ کی درخواست پر اوپن سماعت کرنے کا فیصلہ کیا، الیکشن کمیشن کا پانچ رکنی بینچ آج (منگل کو) سنی اتحاد کونسل کی درخواست پر سماعت کرے گا۔

الیکشن کمیشن نے کاز لسٹ جاری کر دی جس کے مطابق چیف الیکشن کمشنر کی سربراہی میں پانچ رکنی کمیشن سنی اتحاد کونسل کی مخصوص نشستوں کی الاٹمنٹ کے حوالے سے دائر درخواست پر سماعت کرے گا۔

الیکشن کمیشن نے سنی اتحاد کونسل کو سماعت کیلیے نوٹس جاری کردیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔