پی ایس ایل9؛ بابراعظم کی سینچری پر عامر نے ردعمل دیدیا

ویب ڈیسک  بدھ 28 فروری 2024
پاکستان کرکٹ میں بہتری کیلئے ہمیشہ تنقید کی، کبھی کسی سے ذاتی ٹکراؤ نہیں رہا، سابق کرکٹر (فوٹو: ایکسپریس ویب)

پاکستان کرکٹ میں بہتری کیلئے ہمیشہ تنقید کی، کبھی کسی سے ذاتی ٹکراؤ نہیں رہا، سابق کرکٹر (فوٹو: ایکسپریس ویب)

قومی ٹیم کے سابق فاسٹ بولر محمد عامر نے اسلام آباد یونائیٹڈ کیخلاف بابراعظم کی سینچری پر لب کشائی کردی۔

کراچی میں پریکٹس سیشن کے بعد میڈیا سے گفتگو کرتے ہوئے کوئٹہ گلیڈی ایٹرز کے فاسٹ بولر محمد عامر نے کہا کہ یونائیٹڈ کے خلاف بابراعظم نے شاندار کھیل کا مظاہرہ کرتے ہوئے سینچری بنائی۔

انہوں نے کہا کہ بابراعظم نے اپنے مخصوص انداز سے باہر آکر جارحانہ کھیل پیش کیا جس نے انہیں جیت کی امید دلوائی، سابق کپتان کے ساتھ اپنے رشتے پر ردعمل دیتے ہوئے کہا کہ ٹیم میں ساتھ تھے جب بھی اچھا رشتہ تھا اور اب بھی ہے۔

مزید پڑھیں: فیملی سے بدسلوکی کا معاملہ؛ مریم نواز کا محمد عامر کو فون

محمد عامر نے کہا کہ پاکستان کرکٹ میں بہتری کیلئے ہمیشہ تنقید کی، کبھی کسی سے ذاتی ٹکراؤ نہیں رہا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔