کراچی؛ مبینہ پولیس مقابلے میں گرفتار دو زخمی ڈاکو دم توڑ گئے

ویب ڈیسک  جمعـء 1 مارچ 2024
ہلاک ملزمان کی شناخت شاہد قریشی اور محمد شاہد کے ناموں سے کی گئی، پولیس (فوٹو: فائل)

ہلاک ملزمان کی شناخت شاہد قریشی اور محمد شاہد کے ناموں سے کی گئی، پولیس (فوٹو: فائل)

کراچی: تین ہٹی کے قریب مبینہ پولیس مقابلے میں گرفتار 2 زخمی ڈاکو دم توڑ گئے۔

ایکسپریس نیوز کے مطابق کراچی کے علاقے جمشید کوارٹر تین ہٹی کے قریب مبینہ پولیس مقابلہ میں فائرنگ کے تبادلے میں 2 ملزمان کو شدید زخمی حالت میں گرفتار کیا گیا، ان کے دو ساتھی فرار ہونے میں کامیاب ہو گئے۔

پولیس کے مطابق زخمی ملزمان کو سول اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔ ہلاک ملزمان کی شناخت شاہد قریشی اور محمد شاہد کے ناموں سے کی گئی۔

پولیس نے دعویٰ کیا ہے کہ گرفتار ملزمان وائٹ کرولا گینگ کے کارندے تھے، ملزمان وائٹ کرولا میں واردات کی نیت سے گھوم رہے تھے۔ ملزمان کا ایک ساتھی عمران چند روز قبل الفلاح کے علاقے سے ڈکیتی کے دوران گرفتار ہوا، دوسرا ملزم شاہد عرف کالا 10 سے زائد ڈکیتی اور دیگر وارداتوں میں ملوث رہا، محمد شاہد عرف برگر 26 سے زائد ڈکیتی کی وارداتوں میں ملوث تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔