شاہ رخ خان کی بیٹی سہانا کے ساتھ اپنے گانے پر ڈانس کی ویڈیو وائرل

ویب ڈیسک  منگل 5 مارچ 2024
شاہ رخ اور سہانا خان کی ویڈیو کو اب تک ہزاروں افراد پسند کرچکے ہیں:فوٹو:ایکسپریس ویب

شاہ رخ اور سہانا خان کی ویڈیو کو اب تک ہزاروں افراد پسند کرچکے ہیں:فوٹو:ایکسپریس ویب

جام نگر: بالی ووڈ کے میگا اسٹار شاہ رخ خان کی بیٹی سہانا خان کے ساتھ ڈانس کی ویڈیو وائرل ہوگئی۔

بھارت کے ارب پتی تاجر مکیش امبانی کے بیٹے اننت امبانی کی شادی کی 3 روزہ تقریبات میں بالی ووڈ سمیت دنیا بھر کے سیلبیریٹز نے شرکت کی۔

تقریب کے دوران بالی ووڈ اسٹار شاہ رخ خان کی اپنی فلم کے گانے پر بیٹی سہانا خان کے ساتھ ڈانس کرنے کی ویڈیو سب کی توجہ کا مرکز بن گئی۔ وائرل ویڈیو میں شاہ رخ خان اپنی بیوی گوری خان اور سہانا خان کے ساتھ اسٹیج پر موجود ہیں۔

اسٹیج پر موجود گلوکار شاہ رخ خان کا فلم کا مشہور گانا ” چھمک چھلو” گا رہا ہے اور گانے پر شاہ رخ خان اپنی بیٹی سہانا خان کے ساتھ ڈانس کررہے ہیں۔ ویڈیو میں گوری خان بھی گانے کو انجوائے کرتی اور ڈانس کرتی دکھائی دے رہی ہیں۔

ویڈیو میں مشہور امریکی گلوکار اے کون اور بالی ووڈ کے سلطان سلمان خان بھی گانے پر جھومتے نطرآ رہے ہیں۔ ویڈیو کو اب تک ہزاروں افراد دیکھ اور پسند کرچکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔