عمران خان نے شیرافضل مروت کو فوکل پرسنز کی فہرست سے خارج کردیا

ویب ڈیسک  منگل 2 اپريل 2024
شیر افضل مروت کو عمران خان نے سوشل میڈیا ٹیم سے بھی خارج کردیا—فائل: فوٹو

شیر افضل مروت کو عمران خان نے سوشل میڈیا ٹیم سے بھی خارج کردیا—فائل: فوٹو

 اسلام آباد: پاکستان تحریک انصاف (پی ٹی آئی) کے بانی چیئرمین عمران خان نے رکن قومی اسمبلی شیر افضل مروت کو فوکل پرسنز کی فہرست سے خارج کرد دیا۔

ایکسپریس نیوز کے مطابق ذرائع نے بتایا کہ سابق وزیراعظم اور بانی چیئرمین پی ٹی آئی نے شیر افضل مروت کو جیل میں ان سے ملاقات کرنے کے لیے نام دینے کی فہرست سے بھی نکال دیا ہے۔

ذرائع نے بتایا کہ بانی چیئرمین پی ٹی آئی کی جانب سے شیر افضل مروت کو اپنی سوشل میڈیا کی ٹیم سے بھی خارج کرنے کی ہدایت کی گئی ہے جبکہ بانی چیئرمین کی جانب سے فیصلہ کور کمیٹی کی سفارشات پر کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔