آئی پی ایل کو ترجیح دینے پر جنید خان نے کیوی کرکٹرز کو آڑے ہاتھوں لے لیا

ویب ڈیسک  بدھ 3 اپريل 2024
نیوزی لینڈ کے 11 سے 12 سینئیر کرکٹرز نے سیریز کیلئے دستیاب ہی نہیں (فوٹو: ایکسپریس ویب)

نیوزی لینڈ کے 11 سے 12 سینئیر کرکٹرز نے سیریز کیلئے دستیاب ہی نہیں (فوٹو: ایکسپریس ویب)

پاکستان کیخلاف ٹی20 سیریز کے بجائے انڈین پریمئیر لیگ (آئی پی ایل) کو ترجیح دینے پر فاسٹ بولر جنید خان نے کیوی کرکٹر کو آڑے ہاتھوں لے لیا۔

سماجی رابطے کی سائٹ ایکس (ٹوئٹر) پر ٹوئٹ کرتے ہوئے لکھا کہ یہ دیکھ کر افسوس ہوتا ہے کہ لیگز کو انٹرنیشنل ٹیم پر ترجیح دی جارہی ہے، جس نے انہیں اس قابل بنایا کہ وہ فرنچائز ٹیموں کیلئے کھیل سکیں، نیوزی لینڈ کے 11 سے 12 سینئیر کھلاڑی بین الاقوامی سیریز کیلئے دستیاب ہی نہیں ہیں۔

نیوزی لینڈ کے 9 کھلاڑی آئی پی ایل اور ایک پلیئر کاونٹی کی وجہ سے دستیاب نہیں، جن میں ٹرینٹ بولٹ، ڈیوان کانووے، لوکی فرگوسن، میٹ ہینری اور ڈیرل مچل، گلین فلپس، راچن روندرا اور کپتان کین ولیمسن شامل ہیں جبکہ ول ینگ کاونٹی جبکہ ٹام لیتھم گھریلوں مصروفیات کی وجہ سے عدم دستیاب ہیں۔

مزید پڑھیں: نیوزی لینڈ نے پاکستان کیخلاف ٹی20 سیریز کیلئے اسکواڈ کا اعلان کردیا

واضح رہے کہ دونوں ٹیموں کے درمیان 5 ٹی20 میچوں پر مشتمل سیریز کا پہلا میچ 18 اپریل کو ہوگا، کیوی ٹیم 12 اپریل کو پاکستان کیلئے روانہ ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔