پاک فوج کی جانب سے قوم کو عیدالفطر کی مبارکباد

ویب ڈیسک  بدھ 10 اپريل 2024
(فوٹو: فائل)

(فوٹو: فائل)

 راولپنڈی: پاکستان کی مسلح افواج اور سروسز چیفس نے پوری قوم کو عید الفطر کی مبارک دی ہے۔

پاک فوج کے شعبہ تعلقات عامہ (آئی ایس پی آر) کے مطابق ایک سپاہی کے لیے عید کی اصل خوشی فرنٹ لائن پر خدمات انجام دینے، اپنی قوم کی حفاظت، پیاروں سے دور رہنے اور عید کی خوشیوں میں مضمر ہے۔

ترجمان پاک فوج نے عید الفطر کی مناسبت سے جاری بیان میں کہا ہے کہ اس پرمسرت موقع پر آئیے ہم اپنے قومی ہیروز کے غیر متزلزل حوصلے پر ان کا ساتھ دیں جو پاکستان کی مسلح افواج اور پوری قوم کے لیے مشعل راہ ہیں۔ ہم ان بہادروں اور ان کے خاندانوں کے ان کی قربانیوں کے لیے ہمیشہ شکر گزار ہیں۔

پاک فوج کا کہنا ہے کہ آئیے پاکستان کے ان شہدا کو خراج عقیدت پیش کریں، جنہوں نے مادر وطن کی حفاظت اور خودمختاری کو یقینی بنانے کے لیے اپنی جانوں کا نذرانہ پیش کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔