دھونی کے پارٹنر کے بعد ہاردک کے بھائی بھی فراڈ کے الزام میں گرفتار

ہاردک پانڈیا نے سوتیلے بھائی کیخلاف شکایت درج کروائی تھی (فوٹو: ایکسپریس ویب)

---

سابق بھارتی کپتان مہندرا سنگھ کے دھونی کے بزنس پارٹنر کے بعد ممبئی انڈینز کے کپتان ہاردک پانڈیا کے سوتیلے بھائی کو بھی پولیس نے دھوکا دہی کے الزام میں گرفتار کرلیا۔

میڈیا رپورٹس کے مطابق انڈین پریمئیر لیگ (آئی پی ایل) میں ممبئی انڈینز کی کپتانی کرنے والے ہاردک پانڈیا کے سوتیلے بھائی ویبھو پانڈیا کو ممبئی پولیس نے تقریباً 4.3 کروڑ روپے کی دھوکا دہی کے الزام میں گرفتار کیا ہے۔

ویبھو نے مبینہ طور پر پارٹنرشپ فرم سے تقریباً 4.3 کروڑ روپے کا غبن کیا جس سے انکے بھائی ہاردک اور کرونل پانڈیا کو نقصان ہوا۔

مزید پڑھیں: سابق بھارتی کپتان کیساتھ بزنس پارٹنر نے 15 کروڑ زائد کا فراڈ کرڈالا

کرونل اور ویبھو نے 2021 میں ایک کاروبار قائم کیا تھا جس سے دونوں کرکٹر ہاردک اور کرونل کو 40 فیصد جبکہ انکے سوتیلے بھائی ویبھو کو 20 فیصد حصہ ملنا تھا تاہم ویبھو نے منافع بانٹنے کے بجائے ایک الگ کمپنی بنائی اور منافع اس کمپنی میں ٹرانسفر کردیا۔

ممبئی پولیس کے اقتصادی جرائم ونگ کے حکام کا کہنا ہے کہ ویبھو پر دھوکا دہی اور جعلسازی کا الزام عائد کیا گیا تھا جبکہ شکایت ہاردک پانڈیا کی جانب سے درج کروائی گئی تھی۔

مزید پڑھیں: آئی پی ایل؛ بھارتی فرنچائز نے کرکٹرز کو ایک دوسرے کا دشمن بنا دیا

دوسری جانب انڈین پریمئیر لیگ (آئی پی ایل) میں ممبئی انڈینز کی کپتانی روہت شرما سے چھین کر ہاردک کو دینے پر شدید تنقید کی زد میں ہیں جبکہ ابتدائی 5 مقابلوں میں فرنچائز بھی ایک فتح حاصل نہیں کرسکی ہے۔