مبینہ دھاندلی؛ پی ٹی آئی نے اسلام آباد کی 3 نشستوں کے نتائج کو چیلنج کردیا

ویب ڈیسک  پير 15 اپريل 2024
انتخابی نتائج میں تبدیلی کی گئی،،پی ٹی آئی:فوٹو:ویب ڈیسک

انتخابی نتائج میں تبدیلی کی گئی،،پی ٹی آئی:فوٹو:ویب ڈیسک

 اسلام آباد: پاکستان تحریک انصاف (پی ٹی آئی) نے مبینہ دھاندلی پر اسلام آباد کی 3 نشستوں کے انتخابی نتائج کو چیلنج کردیا۔

‏پی ٹی آئی نے اسلام آباد کی تینوں نشستوں میں مبینہ دھاندلی کواسلام آباد ہائی کورٹ میں  الیکشن ٹریبونل میں چیلنج کرتے ہوئے موقف اختیار کیا کہ 8 فروری کے انتخابی نتائج میں تبدیلی اور دھاندلی کی گئی۔

اسلام آباد سے الیکشن لڑنے والے پی ٹی آئی کے تینوں امیدواروں نے الیکشن ٹریبونل سے مسلم لیگ ن کے کامیاب قرار دئیے گئے ایم این ایز کو ڈی نوٹی فائی کرنے کی استدعا کی۔ ‏این اے46 اسلام آباد  سے پی ٹی آئی کے آزاد امیدوار عامر مغل،  این اے47 سے شعیب شاہین اور این اے 48 سے علی بخاری نے  انتخابی نتائج کو ٹریبونل میں چیلنج کیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔