کراچی؛ پولیس مقابلے میں گینگ وار کمانڈر ہلاک

ویب ڈیسک  بدھ 17 اپريل 2024
ملزم اس سے قبل بھی پولیس کے ہاتھوں گرفتار ہوچکا ہے

ملزم اس سے قبل بھی پولیس کے ہاتھوں گرفتار ہوچکا ہے

 کراچی: گینگ وار کمانڈر پولیس کی کارروائی کے دوران مقابلے میں ہلاک ہوگیا۔

پولیس کے مطابق پاک کالونی پولیس کے ہاتھوں مارا جانے والا گینگ وار ملزم عبید لنگڑا گولیمار کا کمانڈر تھا اور قتل، اقدام قتل، بھتہ خوری کے علاوہ پولیس مقابلوں میں بھی مطلوب تھا۔

ملزم اس سے قبل بھی پولیس کے ہاتھوں گرفتار ہوچکا ہے اور گینگ وار ملزم ساجد واجد ریاست لنگڑا حاجی ریاست کے ساتھ بھی کام کر چکا ہے۔ ملزم آجکل گینگ وار ملزم کاشف ڈاڈا کے منشیات کے اڈے چلا رہا تھا۔

پولیس کے مطابق ملزم کے ساتھی عارف ٹکی و دیگر مارے جا چکے ہیں۔ ملزم عبید لنگڑا پولیس کو انتہائی مطلوب تھا۔ گینگ وار ملزم کاشف ڈاڈا کی تلاش جاری ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔