بلوچستان میں پہلی ایئرایمبولینس سروس شروع کرنے کا اعلان

ویب ڈیسک  پير 22 اپريل 2024
فوٹو؛ فائل

فوٹو؛ فائل

کوئٹہ: بلوچستان میں حکومت نے صوبے کی پہلی ایئر ایمبولینس سروس شروع کرنے کا اعلان کیا ہے۔

وزیراعلیٰ میرسرفراز بگٹی نے کہا ہے کہ  بلوچستان کی تاریخ میں پہلی بار ایئر ایمبولینس کے آغاز کا فیصلہ کیا ہے۔

میر سرفراز بگٹی  کا کہنا تھا کہ حکومت بلوچستان کے دو طیاروں میں سے ایک کو ایئر ایمبولینس بنایا جائے گا اورپیپلز ایئر ایمبولینس مریضوں کی ہنگامی منتقلی کے لیے متعین ہوگی۔

وزیراعلیٰ نے مزید کہا کہ بلوچستان میں ہیلتھ سروسز سمیت تمام شعبوں میں سروس ڈلیوری کو بہتر بنایا جاررہا ہے، ان کا کہنا تھا کہ فیصلہ سازی کی ترجیحات بدل کر خاطر خواہ نتائج حاصل کیے جاسکتے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔