خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان

ویب ڈیسک  منگل 23 اپريل 2024
فوٹو: فائل

فوٹو: فائل

 پشاور:  بلدیاتی نمائندوں نے  اختیارات نہ  ملنے پر احتجاج کا اعلان کردیا۔ 

بلدیاتی اختیارات کی عدم منتقلی پر غوروخوض کے لیے صوبائی ایکشن کونسل لوکل کونسلز ایسوسی ایشن کا اجلاس منعقد ہوا جس  میں مردان کے میئر سمیت  تحریک انصاف کے ویلیج اور نیبرہوڈ کونسل ارکان نے شرکت کی۔

اجلاس سے خطاب کرتے ہوئے میئر مردان حمایت اللہ مایار کا کہنا تھا کہ  دو سال سے اختیارات مانگ رہے ہیں  مگر ہمیں اختیارات نہیں دیے جارہے۔

انہوں نے کہا کہ 30 اپریل تک اختیارات نہ دیے گئے  تو پھر 7 مئی کو دھرنا دیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔